தமிழகத்தில் பல்வேறு இடங்களில் பொருளாதாரத்தில் பின்தங்கிய மாணவர்களின் நலனைக் கருதி அரசு தேர்வுகளுக்கான இலவச பயிற்சி வகுப்புகள் நடத்தப்பட்டு வருகின்றன. இந்த பயிற்சி வகுப்புகள் ஒவ்வொரு மாவட்டங்களிலும் உள்ள வேலைவாய்ப்பு மற்றும் தொழில் நெறி வழிகாட்டு மையத்தின் கீழ் செயல்பட்டு வருகிறது. இந்தப் பயிற்சியானது நல்ல திறமையும், தகுதியும் வாய்ந்த பேராசிரியர்கள் மூலம் நடத்தப்பட்டு வருகின்றது. இதன் முக்கிய நோக்கம் கிராமப்புற மக்கள் அரசு வேலைகளில் ஈடுபடவேண்டும் என்பது.
இந்தப் பயிற்சி வகுப்புகள் தேர்வு அறிவிப்புக்கு ஒரு மாதத்திற்கு முன்னர் தொடங்கப்படும். கடந்த சில நாட்களுக்கு முன்பு கூட முதல்வர் ஸ்டாலின் அவர்கள் மத்திய மாநில அரசு பணிகளில் தமிழக மாணவர்களின் பங்கு அதிகம் இருக்க வேண்டும். அதற்கான இலவச பயிற்சி வகுப்புகள் விரைவில் தொடங்கப்படும் என்று கூறியிருந்தார். தற்போது டிஎன்பிஎஸ்சி தேர்வுகள் அடுத்த மாதத்தில் அறிவிக்கப்படும் என்று தகவல் வெளியாகியுள்ளது.
இந்நிலையில் தூத்துக்குடி மாவட்டத்தில் வேலைவாய்ப்பு மற்றும் தொழில் நெறி வழிகாட்டு மையத்தின் சார்பில் வேலைவாய்ப்பு அலுவலகத்தில் தன்னார்வ பயிலும் வட்டம் டிஎன்பிஎஸ்சி குரூப் 4 தேர்வுக்கான பயிற்சி வகுப்புகள் ஆன்லைன் மூலம் நடைபெற்று வருகிறது. சனி மற்றும் ஞாயிறு ஆகிய இரு தினங்களில் காலை 11 மணி முதல் மாலை 6 மணி வரை நேரடி வகுப்புகள் நடைபெறுகின்றன. இந்தத் தேர்வுக்கு படிப்பதற்கான புத்தகங்கள் அனைத்தும் அங்கு உள்ளது. \
அதனை காலை 10 மணி முதல் மாலை 6 மணி வரை எடுத்து படித்துக் கொள்ளலாம் என்றும் அறிவிக்கப்பட்டுள்ளது. இந்த அறிவிப்பை தூத்துக்குடி மாவட்ட வேலைவாய்ப்பு மற்றும் தொழில் நெறி வழிகாட்டு மையம் உதவி இயக்குனர் வெளியிட்டுள்ளார். அதனால் தமிழகத்தில் டிஎன்பிஎஸ்சி தேர்வு எழுத விருப்பம் உள்ளவர்கள் இந்த அறிய வாய்ப்பை பயன்படுத்திக் கொள்ளுங்கள்.