தமிழக அரசு துறைகளில் காலியாக உள்ள பணி இடங்களை நிரப்புவதற்கு ஒவ்வொரு வருடமும் அரசுப் பணியாளர் தேர்வாணையம் (டிஎன்பிஎஸ்சி) மூலம் போட்டி தேர்வுகள் நடத்தப்பட்டு வருகிறது. அந்த அடிப்படையில் முன்பே அறிவிக்கப்பட்டபடி டிஎன்பிஎஸ்சி தேர்வுகளில் முக்கியத்துவம் வாய்ந்ததாக கருதப்படும் குரூப் 2, குரூப் 2ஏ தேர்வுகள் தொடர்பான அறிவிப்புகளை பிப்.18 அன்று நண்பகல் 12.30 மணியளவில் வெளியிட உள்ளதாக TNPSC தலைவர் பாலச்சந்திரன் முன்னதாக அறிவித்திருந்தார்.
அதன்படி டிஎன்பிஎஸ்சி தலைவர் பாலச்சந்திரன், பிப்ரவரி 23 முதல் மார்ச் 23-ஆம் தேதி வரை டிஎன்பிஎஸ்சி குரூப் 2, 2ஏ தேர்வுகளுக்கான விண்ணப்பங்களை செலுத்தலாம். அதன்பிறகு மே மாதம் 21-ஆம் தேதி குரூப்-2, 2ஏ போட்டித் தேர்வுகள் நடத்தப்பட்டு, அதன் முடிவுகள் ஜூன் மாதம் வெளியாகும் என்று அறிவித்துள்ளார்.
குரூப்-2, குரூப் 2ஏ தேர்வுகளுக்கான தேதி அறிவிக்கப்பட்டுள்ளதால் டிஎன்பிஎஸ்சி இணையதளத்தில் OTR கணக்கு வைத்திருக்கும் தேர்வர்கள் தங்களது ஆதார் எண்ணை அதனுடன் உடனடியாக இணைக்க வேண்டும் என்று அறிவுறுத்தப்பட்டுள்ளது. ஆதார் எண்ணை இணைத்து OTR கணக்கு மூலமாகவே நாளை மறுநாள் (பிப்.23) முதல் குரூப் 2 தேர்வுகளுக்கு விண்ணப்பிக்க வேண்டும் என்று அறிவுறுத்தப்பட்டுள்ளது.