தமிழக அரசு பணியாளர் தேர்வாணையம் மூலமாக அரசு துறைகளில் காலியாக உள்ள பணியிடங்கள் போட்டி தேர்வுகள் மூலம் நிரப்பப்பட்டு வருகிறது. ஆனால் கடந்த ஒன்றரை ஆண்டுகளாக கொரோனா பரவல் காரணமாக போட்டித்தேர்வுகள் நடத்தப்படாமல் இருந்தது. இந்த நிலையில் உள்ளாட்சி தேர்தல் கடந்த 19-ஆம் தேதி நடந்து முடிந்த நிலையில் தேர்தலுக்கு பிறகு குரூப் 2, குரூப் 2ஏ தேர்வுகள் குறித்த அறிவிப்பு வெளியாகும் என்று தெரிவிக்கப்பட்டது. அதன்படி டிஎன்பிஎஸ்சி இந்த தேர்வுகள் குறித்த அறிவிப்பை வெளியிட்டது.
மேலும் சுமார் 5,831 காலிப்பணியிடங்களுக்கான குரூப்-2, குரூப்-2ஏ தேர்வுகள் குறித்த அறிவிப்பு மற்றும் அதன் கூடுதல் விவரங்கள் குறிப்பிடப்பட்டுள்ளது. அதன்படி ஏதேனும் ஒரு துறையில் இளநிலைப் பட்டம் பெற்றவர்கள் இந்த குரூப்-2 தேர்வை எழுதலாம். தேர்வருடைய வயது வரம்பு 30-க்கும் மிகாமல் இருக்க வேண்டும். அதாவது இந்த வயது வரம்பு பொதுப்பிரிவினருக்கு மட்டுமே பொருந்தும். வயது வரம்பில் மற்ற பிரிவினருக்கு சலுகைகள் உண்டு. இந்த மாதம் 23-ஆம் தேதி குரூப்-2 தேர்வுக்கான அறிவிப்பு வெளியாகும் என்று தேர்வாணையம் தெரிவித்துள்ளது.
இந்நிலையில் டிஎன்பிஎஸ்சி சார்பில் புதிய அறிவிப்பு ஒன்றும் வெளியாகியுள்ளது. அதன்படி TNPSC @ 60600TLITE 60 OTR கணக்கு வைத்திருக்கும் தேர்வர்கள் தங்களுடைய ஆதார் எண்ணை அதனுடன் உடனடியாக இணைக்க வேண்டும் என்று அறிவுறுத்தப்பட்டுள்ளது. எனவே தேர்வர்கள் அனைவரும் நாளை முதல் ஆதார் எண் இணைத்து OTR கணக்கு மூலமாகவே குரூப் 2, குரூப் 2ஏ தேர்வுக்கு விண்ணப்பிக்க வேண்டும் என்று அந்த அறிவிப்பில் தெரிவிக்கப்பட்டுள்ளது.