டிச- 5 ம் தேதி நாடு முழுவதும் போராட்டம் நடத்த போவதாக டெல்லியில் போராட்டம் நடத்தும் விவசாயிகள் அறிவித்துள்ளனர்.
மத்திய அரசு வேளாண் சட்டங்களில் சீர்திருத்தம் செய்து மூன்று சட்டங்களை கொண்டு வந்துள்ளது. அதில் விவசாயிகள் உற்பத்தி வர்த்தகம் மற்றும் வர்த்தக அவசர சட்டம் 2020, விவசாயிகள் ஒப்பந்த சட்டம், அத்தியாவசிய பொருட்கள் அவசர சட்டம் 2020 ஆகிய 3 சட்டங்களையும் கொண்டு வந்துள்ளது. விவசாயிகளுக்கு எதிரான இந்த சட்டங்களை எதிர்த்து விவசாயிகள் டெல்லியில் தொடர் முற்றுகை போராட்டத்தை நடத்தி வருகின்றனர். இந்த போராட்டம் 7 நாட்களாக தொடர்ந்து நீடித்து வருவதால் டெல்லியில் பலத்த போலீஸ் பாதுகாப்பு போடப்பட்டுள்ளது.
இந்நிலையில் டிசம்பர்-5 ம் தேதி நாடு முழுவதும் பிரதமர் மோடியின் உருவ பொம்மை எரித்து போராட்டம் நடைபெறும் என்று போராட்டம் நடத்தும் விவசாயிகள் அறிவித்துள்ளனர். இந்த போராட்டத்திற்கு நாடு முழுவதும் உள்ள விவசாயிகள், தொழிற்சங்கங்கள், மாணவர்கள் இளைஞர்கள், அரசியல் கட்சியினர் ஆதரவு அளித்துள்ளதால் டிச-5 ம் தேதி பேருந்து, ரயில் போன்ற பொது போக்குவரத்து முற்றிலும் முடங்கும் நிலை ஏற்பட்டுள்ளது.