டிஜிட்டல் முறையை பயன்படுத்தி பொதுமக்கள் அனைவருக்கும் கொரோனா தடுப்பூசிகளை கொண்டு சேர்த்தது மிகவும் பாராட்டுக்குரியது என்று பில்கேட்ஸ் தெரிவித்துள்ளார்.
உலகப் பணக்காரர்களில் ஒருவர் தான் பில் கேட்ஸ். இவர் அண்மையில் கலந்துகொண்ட நேர்காணல் ஒன்றில் கொரோனா நோய் பெருந்தொற்று குறித்துப் கூறினார். இதனைத் தொடர்ந்து உலகம் முழுவதிலும் உள்ள நாடுகள் எவ்வாறு இந்த கொரோனா பெருந்தொற்று காலங்களைச் சமாளித்தது என்று கலந்துரையாடினார்.
இந்த உரையாடலில் குறிப்பாக இந்தியா குறித்து பேசிய அவர் “தொலைத்தொடர்புகளுக்கு மிகத்தொலைவில் இருக்கும் கிராமங்களையும், கொரோனா பெருந்தொற்றை சிறப்பாகக் கையாண்டதை பற்றியும் ஆதார் போன்ற டிஜிட்டல் காரணிகளைப் பயன்படுத்தி பொதுமக்கள் அனைவருக்கும் தடுப்பூசிகளை கொண்டு சேர்த்தது பாராட்டுக்குரியது” என்று அவர் கூறியுள்ளார்.
மேலும் மாஸ்க் பற்றிக் கூறிய பில் கேட்ஸ், “மாஸ்க் ஒரு மேஜிக் பொருள். அது அசாத்தியமானது. இந்த கொரோனா பெருந்தொற்றை சமாளிக்க தடுப்பூசிகள் மற்றும் மனிதனின் நோய் எதிர்ப்பு சக்தியை அதிகரிக்க பல்வேறு மருத்துகள் தயாரிக்கப்பட்டுள்ளது. ஆனால் விலை மலிவான மாஸ்க் கொரோனா பெருந்தொற்று பரவாமல் தடுக்க சிறப்பாக உதவியது” என்று அவர் கூறியுள்ளார்.