கடலூர் முதுநகர் செல்லங்குப்பத்தில் ஏழைமுத்து என்பவர் வசித்து வருகிறார். இவருடைய மகன் சுனில் குமார்(18).இவர் நேற்று நெல்லிக்குப்பத்தில் உள்ள தனது உறவினர் வீட்டுக்கு மோட்டார் சைக்கிள் சென்றுள்ளன. அதன் பிறகு அங்கிருந்து மதியம் வீட்டுக்கு புறப்பட்டு செம்மண்டலம் கம்பியம் பேட்டை சாலையில் வந்தபோது பின்னால் வந்த டிம்பர் லாரி அவர் மீது மோதியது. இதில் நிலைதடுமாறி மோட்டார் சைக்கிளில் இருந்து கீழே விழுந்தார். அப்போது டிம்பர் லாரியின் பின் சக்கரம் சுனில்குமார் மீது ஏறி நின்றது. இதில் அவர் சம்பவ இடத்திலே பரிதாபமாக உயிரிழந்தார். இது குறித்து தகவல் அறிந்த கடலூர் புதுநகர் போலீஸ் இன்ஸ்பெக்டர் குருமூர்த்தி மற்றும் போலீசார் சம்பவம் இடத்திற்கு விரைந்து வந்து விசாரணை நடத்தியவர்.
அதனைத் தொடர்ந்து விபத்து பற்றி தகவல் அறிந்தும் அக்கம் பக்கத்தில் சம்பவ இடத்தில் ஒன்று கூடி திடீரென டிப்பர் லாரியின் முன்பக்கம் கண்ணாடியை அடித்து உடைத்தனர். இதனை பார்த்த போலீசார் அவர்களை தடுத்து நிறுத்தினார். அப்போது போலீசாருக்கும் பொது மக்களுக்கும் இடையே வாக்குவாதம் ஏற்பட்டது. அதன்பிறகு அவர்களை போலீசார் அப்புறப்படுத்தினர். இதற்கிடையில் விபத்தில் பலியான சுனில் குமார் உடலை போலீசார் மீட்டு உடற்கூறு பரிசோதனைக்காக கடலூர் அரசு மருத்துவமனைக்கு அனுப்பி வைத்தனர். இதுகுறித்து ஏழைமுத்து கடலூர் போலீசில் புகார் அளித்துள்ளார். அதன்படி போலீசார் வழக்கு செய்து விசாரணை நடத்தி வருகின்றனர். இந்தச் சம்பவத்தால் அப்பகுதியில் 30 நிமிடங்களுக்கு மேலாக போக்குவரத்து பாதிக்கப்பட்டது.