ஆஸ்திரேலியாவில் டி20 உலக கோப்பை போட்டி வருகிற அக்டோபர் மாதம் 16-ஆம் தேதி முதல் நவம்பர் மாதம் 13-ஆம் தேதி வரை நடைபெற இருக்கிறது. இந்த போட்டியில் வங்கதேசம், ஆப்கானிஸ்தான், பாகிஸ்தான், தென் ஆப்பிரிக்கா, நியூசிலாந்து, இங்கிலாந்து, இந்தியா, ஆஸ்திரேலியா உள்ளிட்ட 8 நாடுகள் கலந்து கொள்கிறது. இதில் இந்திய அணி வருகிற அக்டோபர் 23-ஆம் தேதி பாகிஸ்தான் அணியுடன் மோதுகிறது. இந்நிலையில் டி20 உலக கோப்பை போட்டியில் கலந்து கொள்ளும் இந்திய அணி வீரர்களின் பட்டியல் இன்று வெளியிடப்பட்டுள்ளது.
இதில் இந்திய அணியின் கேப்டனாக ரோகித் சர்மாவும், துணை கேப்டனாக கே.எல் ராகுலும் நியமிக்கப்பட்டனர். அதன் பிறகு விராட் கோலி, தீபக் ஹூடா, சூரியகுமார் யாதவ், பும்ரா, ஹர்சேல் படேல் ஆகியோர் இடம் பெற்றுள்ளனர். இதனையடுத்து தமிழக வீரர்கள் தினேஷ் கார்த்திக் மற்றும் அஸ்வின் ஆகியோரும் இடம்பெற்றுள்ளனர். இதைத்தொடர்ந்து காத்திருப்போர் பட்டியலில் தீபக் சாகர், ரவி பிஷ்னோய், ஸ்ரேயாஸ் ஐயர் மற்றும் முகமது ஷமி ஆகியோர் இடம் பெற்றுள்ளனர். மேலும் டி20 உலக கோப்பை போட்டியில் இடம் பெற்ற இந்திய அணி வீரர்களின் பட்டியலை காணலாம்.
- ரோகித் சர்மா (கேப்டன்)
- கே.எல் ராகுல் (துணை கேப்டன்)
- விராட் கோலி
- சூரியகுமார் யாதவ்
- தீபக் ஹூடா
- ரிஷப் பந்த் (விக்கெட் கீப்பர்)
- தினேஷ் கார்த்திக் (விக்கெட் கீப்பர்)
- ஹர்திக் பாண்டியா
- ரவிச்சந்திரன் அஸ்வின்
- சாகல்
- அக்சர் படேல்
- பும்ரா
- அர்ஷ்தீப் சிங்
- ஹர்சேல் படேல்
- புவனேஷ்வர் குமார்