இந்திய அணிக்கும் வெஸ்ட் இண்டீஸ் அணிக்கும் இடையே டி20 மேட்ச் நடைபெற்று வருகிறது. இதில் நேற்று நடைபெற்ற ஆட்டத்தில் இந்தியா முதலில் களம் இறங்கியது. இந்த மேட்சில் இந்திய அணி 20 ஓவரில் 6 விக்கெட் இழப்புக்கு 190 ரன்களும், வெஸ்ட் இண்டீஸ் அணியினர் 20 ஓவரில் 8 விக்கெட் இழப்பிற்கு 122 ரன்களும் எடுத்தனர். இதன் காரணமாக 68 ரன்கள் வித்தியாசத்தில் இந்திய அணி வெற்றி பெற்றது. இந்த மேட்சில் தினேஷ் கார்த்திக் 19 பந்தில் 41 ரன்களும், ரோஹித் சர்மா 44 பந்தில் 64 ரன்களும் எடுத்திருந்தனர்.
இந்த தொடரில் ரோஹித் சர்மா புதிய சாதனை படைத்துள்ளார். அதாவது 21 ரன்கள் எடுத்து 20 ஓவர்கள் மேட்சில் முதல் இடத்தை பிடித்திருந்த ரோகித், தற்போது 64 ரன்கள் எடுத்ததால் டி20 மேட்சில் அரை சதம் எடுத்தவர்களின் பட்டியலில் முதலிடத்தை பிடித்துள்ளார். இவர் 31 அரை சதங்கள் எடுத்துள்ளார். இந்த பட்டியலில் விராட் கோலி 2-வது இடத்திலும், பாபர் அசாம் 3-வது இடத்திலும், டேவிட் வார்னர் 4-வது இடத்திலும், குப்தில் 5-வது இடத்திலும் இருக்கிறார்கள் என்பது குறிப்பிடத்தக்கதாகும்.