நிக்கி கல்ராணி மற்றும் ஆதி திருமண தேதி வெளியாகி உள்ளது.
2014ஆம் வருடம் வெளியான டார்லிங் திரைப்படத்தின் மூலம் தமிழ் சினிமா உலகிற்கு அறிமுகம் தந்தார் நிக்கி கல்ராணி. இவர் ஜீவா, விஷ்ணு விஷால், ஜிவி பிரகாஷ், ஆதி போன்ற பல நடிகர்களுடன் இணைந்து நடித்துள்ளார். நிக்கி கல்ராணி யாகவராயினும் நாகாக்க, கலகலப்பு-2, வேலைன்னு வந்துட்டா வெள்ளைக்காரன், கடவுள் இருக்கான் குமாரு, மரகதநாணயம், ஹர ஹர மஹாதேவகி, ராஜவம்சம் உள்ளிட்ட பல திரைப்படங்களில் நடித்து இருக்கின்றார். யாகவராயினும் நாகாக்க திரைப்படத்தில் ஆதியுடன் இணைந்து நடித்த போது நிக்கிக்கும் ஆதிக்கும் காதல் மலர்ந்துள்ளது.
ஆனால் இதை பற்றி இவர்கள் வெளியே கூறவில்லை. அண்மையில் இவர்கள் இருவருக்கும் நிச்சயதார்த்தம் நடைபெற்றதை தொடர்ந்து திருமணத் தேதி பின்னர் அறிவிக்கப்படும் என கூறப்பட்ட நிலையில் தற்போது இவர்கள் திருமணம் சென்னையில் நடைபெற இருப்பதாக செய்தி வெளியாகி உள்ளது. இவர்களின் திருமணமானது வருகின்ற மே 18ஆம் தேதி சென்னையில் உள்ள தனியார் ஓட்டலில் நடக்க உள்ளதாக தகவல் வெளியாகி உள்ளது. மேலும் திருமண வரவேற்பு நிகழ்ச்சியானது மாலையில் நடத்த திட்டமிட்டு இருப்பதாகவும் கூறப்படுகின்றது. இதையடுத்து ரசிகர்கள் பலரும் இவர்களுக்கு வாழ்த்து தெரிவித்து வருகின்றார்கள்.