திண்டுக்கல் மாவட்டம் கொடைக்கானல் சுற்றுலா தலமாக திகழ்கிறது. கொடைக்கானல் மேற்கு தொடர்ச்சி மலையில் அமைந்துள்ளதால் குளுமையான தட்ப வெப்பநிலை நிலவுகிறது. இதனால் இங்கு விடுமுறை நாட்களில் பல்வேறு மாநிலங்கள் மற்றும் வெளிநாடுகளில் இருந்து சுற்றுலா பயணிகள் அதிக அளவில் வருவார்கள். மேலும் டென்ட் ஹவுஸ் எனப்படும் கூடார வீடுகள் அமைத்து சுற்றுலா பயணிகளுக்கு வாடகைக்கு விடுவது அதிகரித்து வருகிறது.
இந்நிலையில் கொடைக்கானல் நிரந்தர கட்டமைப்பு இல்லாமல் கூடாரம் அமைத்து தங்குமிடங்களில் சுற்றுலா பயணிகள் தங்க வைக்க அரசு தடை விதித்துள்ளது. அரசின் தடையை மீறி சுற்றுலா பயணிகளை தங்க வைத்தால் நில உரிமையாளர்கள், டென்ட் அமைப்பவர்கள் மற்றும் சுற்றுலா ஏற்பாட்டாளர்கள் மீது காவல்துறை கடும் நடவடிக்கை எடுக்கப்படும் என்று கொடைக்கானல் வருவாய் கோட்டாட்சியர் எச்சரித்துள்ளார்.