டெல்லியில் கரோனா மூன்றாவது அலை தொடங்கியுள்ளதால், நேற்று ஒரே நாளில் 5,023 பேருக்கு கொரோனா பாதிப்பு உறுதிப்படுத்தப்பட்டுள்ளது.
டெல்லி சுகாதாரத்துறை இன்று வெளியிட்டுள்ள அறிக்கையில், “டெல்லியில் கொரோனா மூன்றாவது அலை தொடங்கியுள்ளது. அதனால் நேற்று ஒரே நாளில் 5,023 பேருக்கு கொரோனா பாதிப்பு இருப்பது உறுதிப்படுத்தப்பட்டுள்ளது. அதனால் தற்போது வரை கொரோனாவால் பாதிக்கப்பட்டவர்களின் மொத்த எண்ணிக்கை 4,43,552 ஆக உயர்ந்துள்ளது.
மேலும் நேற்று மட்டும் 71 பேர் உயிரிழந்ததை அடுத்து, தற்போது வரை கொரோனா பாதிப்பால் உயிரிழந்தவர்களின் மொத்த எண்ணிக்கை 7,060 ஆக அதிகரித்துள்ளது. மாநிலம் முழுவதிலும் 39,795 பேர் கொரோனாவால் பாதிக்கப்பட்டு சிகிச்சை பெற்று வருகிறார்கள். மேலும் 3,96,697 பேர் கொரோனா பாதிப்பிலிருந்து குணமடைந்து வீடு திரும்பியுள்ளனர்” என்று தெரிவிக்கப்பட்டுள்ளது.