டெல்லியில் தொடர்ந்து அதிகரிக்கும் காற்று மாசு …!!

டெல்லியில் நாளுக்கு நாள் மோசமாகி வரும் காற்று மாசை தடுக்க முடியாமல் அரசு இயந்திரங்கள் திணறி வருகின்றன.

தலைநகர் டெல்லியில் சுற்றுச்சூழல் மாசு நாளுக்கு நாள் அதிகரித்து வருகிறது. குளிர்கால பனிப்பொழிவின் இடையே காற்று மாசு கலந்து பார்வை இடைவெளியை குறைகிறது. அதுமட்டுமின்றி கண் எரிச்சல், சரும நோய் பிரச்சனைகளையும் உண்டாக்குகிறது. டெல்லியில் இன்றும் வழக்கம் போல் காலையிலேயே வீதி எங்கும் பனி மூட்டம் போல ஒரே புகை மண்டலமாக காட்சியளித்தது. லட்சுமி நகர், பட்பருணச், ஆனந்த்விஹார், கர்கர்டூமா  உள்ளிட்ட பகுதிகளில் உள்ள காற்றுத்தர குறியீட்டு கண்காணிப்பு நிலையங்களில் காற்றின் தரக்குறியீடு மிகவும் கடுமையான நிலையில் பதிவானது.

காற்றின் தரக் குறியீடு 400-க்கும் மேல் இருந்தால் மிகக் கடுமையான நிலையாகும். இன்று காலை காற்றின் தரக்குறியீடு எண் 400-ஐ தாண்டியுள்ளது. டெல்லியில் நேற்று 487-ஆக காற்றின் தரக்குறியீடு இருந்தது குறிப்பிடத்தக்கது. கொரோனா நோய் பரவல் காலத்தில் டெல்லியில் காற்றில் மாசு அளவு மிகவும் அதிகரித்து இருப்பது மக்களிடையே கவலையை ஏற்படுத்தியுள்ளது. இதனை எப்படி தடுப்பது என தெரியாமல் மத்திய அரசும், டெல்லி அரசும், திண்டாடி வருகின்றனர்.