இங்கிலாந்து- தென் ஆப்பிரிக்க கிரிக்கெட் அணிகள் இடையேயான முதலாவது டெஸ்ட் போட்டி லார்ட்சில் மைதானத்தில் நடைபெற்றது. இங்கிலாந்து அணியானது முதல் இன்னிங்சில் 165 ரன்னில் ஆல்அவுட் ஆகியது. இதையடுத்து முதல் இன்னிங்சை ஆடிய தென் ஆப்பிரிக்கா அணியானது 326 ரன்களுக்கு ஆல்அவுட் ஆகியது. அதன்பின் 2வது இன்னிங்சில் ஆடிய இங்கிலாந்து அணி 149 ரன்களுக்கு ஆல் அவுட்டானது. இதன் வாயிலாக தென்ஆப்பிரிக்க அணி இன்னிங்ஸ் மற்றும் 12 ரன்கள் வித்தியாசத்தில் இங்கிலாந்தை வீழ்த்தி அபார வெற்றியடைந்தது.
இதன் மூலமாக 3 போட்டிகள் கொண்ட டெஸ்ட் தொடரில் தென்ஆப்பிரிக்கா அணியானது 1-0 எனும் கணக்கில் முன்னிலையில் இருக்கிறது. இப்போட்டியில் ஆட்ட நாயகனாக தேர்வு செய்யப்பட்ட ரபாடா புது சாதனை ஒன்றை படைத்து இருக்கிறார். அதாவது டெஸ்ட் போட்டியில் 250 விக்கெட்டுகளை வீழ்த்திய 7 தென்ஆப்பிரிக்கா வேகப் பந்து வீச்சாளர் என்ற சாதனையை அவர் படைத்துள்ளார். இதற்கு முன்பாக ஸ்டெயின் 439 விக்கெட்டுகளுடன் முதல் இடத்தில் இருக்கிறார். 2 -6வது இடங்கள் முறையே ஷான் பொல்லாக், நிதினி, டொனால்ட், மோர்னே மார்கல், கல்லீஸ் போன்றோர் இருக்கின்றனர்.