ஊருக்குள் வந்த காட்டு யானையை இளைஞர்கள் துரத்திய போது யானை திடீரென திரும்பி இளைஞர்களை ஆக்ரோஷமாக துரத்தும் காட்சி சமூக வலைத்தளத்தில் வைரலாகி கொண்டிருக்கிறது.
மனிதன் நாகரிக வளர்ச்சி என்ற பெயரில் காடுகளை அழித்து தனது வீட்டை காட்டிற்குள் கட்டுகிறான். அதனால் வாழ்விடத்தை தொலைத்து அங்கிருந்து இடம்பெயர்ந்த வனவிலங்குகளில் சில, அடிக்கடி மீண்டும் தங்களின் பழைய இடத்திற்கு வந்து மனிதனுக்கு இடையூறு ஏற்படுத்துகின்றன. இதுபோன்ற சம்பவங்கள் பெரும்பாலும் மலைப்பிரதேசங்களில் நடைபெறுவது வழக்கம். அதிலும் பெரும்பாலும் காட்டு யானைகளை ஊருக்குள் புகுந்து ஒட்டுமொத்த மக்களையும் பயமுறுத்தி வருகிறது. அவ்வகையில் இங்கு ஒரு பிரம்மாண்டமான காட்டு யானை ஊருக்குள் புகுந்து விடுகிறது.
அதனை விரட்டுவதற்காக சிலர் அதனை பின் தொடர்கின்றனர். முதலில் சாதுவாக முன்னேறிச் செல்லும் அந்த யானை திடீரென திரும்பி தன்னைப் பின் தொடர்ந்து வந்த இளைஞர்களை ஆக்ரோஷத்துடன் துரத்துகிறது. யானையின் இந்த செய்கையை சற்றும் எதிர்பாராத இளைஞர்கள் தலைதெறிக்க ஓடுகின்றனர். இது பற்றிய வீடியோ சமூக வலைதளங்களில் வைரலாக பரவிக் கொண்டிருக்கிறது.