மாம்பழ குச்சி ஐஸ் செய்ய தேவையான பொருள்கள் :
பால் – அரை லிட்டர்
முந்திரி – சிறிது
மாம்பழம் – 2
அரிசி மாவு – 3 டீ ஸ்பூன்
சீனி – 100 கிராம்
பாதாம் – சிறிது
முதலில் பாலை நன்கு வற்ற காய்ச்சவும். அரிசி மாவுடன் சீனியை கலந்து கொண்டு சிறிது சிறிதாக கொதித்துக் கொண்டிருக்கும் பாலில் போட்டு கட்டி பிடிக்காமல் கலக்கவும் அல்லது மாவை தண்ணீரில் கரைத்தும் சேர்க்கலாம்.
அதன் பின் 7 நிமிடங்கள் விடாமல் கிளற வேண்டும். மாவு நன்கு வெந்து, கலவை கெட்டியானதும் நெய்யில் வறுத்த பாதாம், முந்திரி துண்டுகளை போட்டு கலக்கி இறக்கி ஆறவிடவும்.
அடுத்து மாம்பழத்தை தோல் சீவி துண்டுகளாக நறுக்கி மிக்சியில் போட்டு கூழாக அரைக்கவும். பால் அரிசி மாவு கலவை ஆறியதும் அதில் மாம்பழ கூழ் சேர்த்து கலக்கவும். பின்னர் இதை குல்பி அச்சில் ஊற்றி பிரீசரில் வைக்கவும்.