போக்குவரத்து காவலர்களுக்கு மோர்,குளிர்பானம் உள்ளிட்டவற்றை வழங்கி வெயிலின் தாக்கத்தை தீர்த்து வைத்த நெகிழ்ச்சியான சம்பவம் நிகழ்ந்துள்ளது.
கோடைக்காலம் நெருங்கி வரவே வெயிலின் தாக்கமானது அதிகரித்து வருகிறது. எனவே இந்த சூழலில் போக்குவரத்து காவலர்கள் அயராது உழைத்து வருகின்றனர். எனவே வெயிலின் தாக்கத்திலிருந்து சோர்வடையாமல் பணிசெய்ய தமிழ்நாடு காவல்துறை தலைமை இயக்குனர் சைலேந்திரபாபு ஐபிஎஸ் அவர்களின் வழிகாட்டுதலின்படி நேற்று குமரி மாவட்டம் கண்காணிப்பாளர் பத்ரிநாராயணன் மாவட்ட ஆட்சியர் அலுவலகம் முன்பு பணி செய்த போக்குவரத்து காவலர்களுக்கு மோர், குளிர்பானம் மற்றும் தர்பூசணி பழங்களை வழங்கியுள்ளார்.
அதன் பின் பேசிய அவர் கூறியுள்ளதாவது, இதேபோல் நாள்தோறும் மே மாதம் முடியும் வரை மோர் மற்றும் குளிர்பானங்களை மாவட்டம் முழுவதும் உள்ள போக்குவரத்து காவலர்களுக்கு வழங்கவுள்ளதாக கூறியுள்ளார். மேலும் பள்ளி மற்றும் கல்லூரி பகுதிகளில் ஏற்படும் போக்குவரத்து நெரிசலை தவிர்க்க போக்குவரத்து காவலர்கள் தனியே நியமிக்கப்பட்டு பணியில் ஈடுபடுத்தப்பட்டு வருகின்றனர் என்றும் கூறியுள்ளார். இந்த நிகழ்ச்சியின்போது காவல் அதிகாரிகள் மற்றும் பத்திரிக்கை நண்பர்கள் என பலர் கலந்து கொண்டுள்ளனர்.