தமிழ்நாடு முதல்வரின் உத்தரவுபடி தமிழ்நாடு முழுவதும் இன்று முதல் ஆலயங்களில் அன்னை தமிழில் அர்ச்சனை திட்டம் நடைமுறைக்கு வந்துள்ள நிலையில், உலகப் புகழ்பெற்ற தஞ்சை பெருவுடையார் பெரியகோவிலில் பல ஆண்டு கோரிக்கைகள் நிறைவேறும் வகையில் இன்று முதல் பெருவுடையாருக்கு தமிழில் அர்ச்சனை செய்யும் நிகழ்ச்சி துவங்கியது.
பக்தர்கள் மிகுந்த மகிழ்ச்சியோடு தமிழில் அர்ச்சனை செய்வதை வரவேற்கின்றனர். ஓம் நமச்சிவாய வாழ்க நாதன் தாள் வாழ்க என தமிழில் அர்ச்சகர் சிவ வழிபாடு நடத்துவது இறைவனுடன் பக்தர்களை இணைப்பதுபோல் உணர்ச்சியை ஏற்படுத்துவதாகவும், இந்த வாய்ப்பை வழங்கிய தமிழ்நாடு முதலமைச்சர் அவர்களுக்கு நெஞ்சார்ந்த நன்றியை தெரிவித்துக் கொள்வதாகவும் பக்தர்கள் தெரிவிக்கின்றனர். நீண்ட நாள் கோரிக்கையான “அன்னை தமிழில் அர்ச்சனை” நிறைவேற்றப்பட்டுள்ளதாகவும், தமிழில் அர்ச்சனை செய்து வழிபடுவது உள்ளப் பூர்வமாக இறைவனிடம் நெருக்கத்தை ஏற்படுத்துவது போல் எண்ணம் தோன்றுவதாக பக்தர்கள் மகிழ்ச்சி தெரிவித்தனர்.