மத்திய பிரதேச மாநிலத்தில் நடந்த தேசிய ஜூனியர் தடகள போட்டியில் தமிழக மணிக்கு 12 பதங்கம் கிடைத்துள்ளது.
மத்திய பிரதேச மாநிலம் போபாலில் நடந்த 18-வது பெடரேஷன் கோப்பை தேசிய ஜூனியர் தடகள சாம்பியன்ஷிப் போட்டியில், தமிழக அணிக்கு 5 தங்கம், 2 வெள்ளி, 5 வெண்கலம் என மொத்தம் 12 பதக்கம் கிடைத்துள்ளது. இதில் 10 ஆயிரம் மீட்டர் ஓட்டத்தில் எம்.சதீஷ் குமாரும், நீளம் தாண்டுதலில் ஜெஸ்வின் ஆல்டிரினும், 800 மீட்டர் ஓட்டத்தில் ஸ்ரீ கிரணும், டிரிபிள் ஜம்பில் பிரவீன் சித்ரவேலும் தங்க பதக்கம் வென்றனர். மேலும் பிரவீன் 16.01 மீட்டர் தூரம் தாண்டி புதிய சாதனை படைத்தார். வீராங்கனைகளில் டிரிபில் ஜம்பில் பவிஷா தங்கம் வென்றார்.