சீனாவில் தோன்றிய வைரஸ் கடந்த ஆண்டு மார்ச் மாதம் உலக நாடுகள் முழுவதிலும் பரவத் தொடங்கியது. அதனால் தற்போது வரை ஏராளமான உயிரிழப்புகள் ஏற்பட்டுள்ளன. அதற்கு எதிரான தடுப்பூசி கண்டறியும் முயற்சியில் உலக நாடுகள் அனைத்தும் தீவிரம் காட்டி வந்த நிலையில், தற்போது தடுப்பூசி மக்கள் பயன்பாட்டுக்கு வந்துவிட்டது. ஆனால் சில நாடுகளில் கொரோனாவின் தாக்கம் இன்னும் குறையாமல் நாளுக்கு நாள் அதிகரித்துக் கொண்டே வருகிறது. அதுமட்டுமன்றி பெரும்பாலான நாடுகளில் கோரோனோ இரண்டாவது பரவ தொடங்கியுள்ளது. அதனால் மீண்டும் ஊரடங்கு அமல் படுத்தப்படும் சூழல் உருவாகியுள்ளது. மேலும் உலக நாடுகள் அனைத்தும் தடுப்பூசி போடும் பணியை தீவிரப்படுத்தியுள்ளன.
இந்நிலையில் உலகையே அச்சுறுத்திக்கொண்டிருக்கும் கொரோனாவில் இருந்து தடுப்பூசி மூலம் மீண்ட முதல் நாடென்ற பெருமையை இஸ்ரேல் பெற்றுள்ளது. ஓராண்டிற்கு பிறகு இஸ்ரேல் மக்கள் சுதந்திரமாக முகக்கவசம் இல்லாமல் வெளியே சென்றுள்ளனர். இஸ்ரேலில் 68% மக்களுக்கு கொரோனா எதிர்ப்பு சக்தி இருப்பது உறுதியாகி உள்ளதால் கட்டுப்பாடுகளை இஸ்ரேல் அரசு தளர்த்தியுள்ளது குறிப்பிடத்தக்கது. இதன் மூலம் கொரோனாவில் இருந்து தடுப்பூசி மூலம் மீண்டு சாதித்துள்ளது இஸ்ரேல்