தண்டவாளத்தில் கிடந்த சடலம்…. அதிர்ச்சியடைந்த பொதுமக்கள்…. விசாரணையில் தெரிந்த உண்மை…!!

தண்டவாளத்தில் டெக்ஸ்டைல்ஸ் தொழிலாளி சடலமாக கிடந்த சம்பவம் பரபரப்பை ஏற்படுத்தியுள்ளது.

கரூர் மாவட்டத்தில் உள்ள குளத்துபாளையம் ரயில்வே தண்டவாளத்தில் 45 மதிக்கத்தக்க ஒருவர் சடலமாக கிடப்பதை பார்த்து அதிர்ச்சியடைந்த பொதுமக்கள் போலீசாருக்கு தகவல் தெரிவித்தனர். அந்த தகவலின் படி சம்பவ இடத்திற்கு விரைந்து சென்ற போலீசார் அந்த நபரின் உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இதுகுறித்து வழக்கு பதிவு செய்த போலீசார் நடத்திய விசாரணையில் சடலமாக மீட்கப்பட்ட நபர் வெங்கமேடு பகுதியை சேர்ந்த சவுந்தரராஜன்(46) என்பது தெரியவந்தது.

இவர் டெக்ஸ்டைல்ஸ் நிறுவனத்தில் கூலி தொழிலாளியாக வேலை பார்த்து வந்துள்ளார். ஆனால் தற்போது சரியாக வேலை கிடைக்காமல் சௌந்தரராஜன் சிரமப்பட்டு வந்தது தெரியவந்துள்ளது. எனவே சவுந்தரராஜன் ரயில் முன் பாய்ந்து தற்கொலை செய்து கொண்டாரா? அல்லது தண்டவாளத்தை கடக்கும்போது ரயில் மோதி உயிரிழந்தாரா? என்பது குறித்து போலீசார் விசாரணை நடத்தி வருகின்றனர்.