“தந்தையின் கண்முன்னே உயிரிழந்த மகள்”… அயோத்தியாபட்டிணத்தில் நடந்த சோகம்….!!!

அயோத்தியாபட்டணத்தில் கல்லூரி மாணவி தந்தையின் கண்முன்னே உயிரிழந்த சம்பவம் சோகத்தை ஏற்படுத்தியுள்ளது.

சேலம் மாவட்டத்தில் உள்ள அயோத்தியாபட்டணத்தை அடுத்திருக்கும் மின்னாம்பள்ளி ராஜவீதி பகுதியைச் சேர்ந்த 60 வயது உடைய நாகராஜன் ஓய்வு பெற்ற அரசு ஊழியர். இவரின் மகள் 22 வயதுடைய தனுஸ்ரீ அரசு கலை அறிவியல் கல்லூரியில் எம்.எஸ்.சி மைக்ரோபயாலஜி இரண்டாம் ஆண்டு படித்து வந்த நிலையில் தந்தை மகள் இருவரும் அயோத்தியா பட்டணத்திலிருந்து மின்னாம்பள்ளி நோக்கி இருசக்கர வாகனத்தில் சென்று கொண்டிருக்கும் எதிர்பாராத நிலையில் இவர்களின் மோட்டார் வாகனம் ஆட்டோ மீது மோதியது.

பின்னால் வந்த கண்டெய்னர் லாரியில் தனுஸ்ரீ வயிற்றின் மேல் ஏறி இறங்கிய நிலையில் தனுஸ்ரீ உடல் நசுங்கி சம்பவம் நடந்த இடத்திலேயே தந்தையின் முன் பரிதாபமாக இறந்துள்ளார். அவரின் தந்தை லேசான காயத்துடன் உயிர் தப்பிய உள்ள நிலையில் தகவல் அறிந்த போலீசார் சம்பவ இடத்திற்கு விரைந்து வந்து தனுஸ்ரீ-யின் உடலை கைப்பற்றி பிரேத பரிசோதனைக்காக சேலம் அரசு மருத்துவமனைக்கு அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து விசாரணை செய்து வருகின்றனர். கல்லூரி மாணவி உயிரிழந்த சம்பவம் அப்பகுதியில் சோகத்தை ஏற்படுத்தி இருக்கின்றது.