நடிகர் அஜித்தின் பிறந்தநாள் கொண்டாட்ட புகைப்படம் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் அஜித்துக்கு ஏராளமான ரசிகர்கள் உள்ளனர். தற்போது இவர் நடிப்பில் வலிமை திரைப்படம் உருவாகி வருகிறது. இந்த படத்தில் ஹூமா குரேஷி கதாநாயகியாக நடிக்கிறார் . இயக்குனர் ஹெச்.வினோத் இயக்கும் இந்த படத்தை போனி கபூர் தயாரிக்கிறார். வலிமை படத்தின் ஃபர்ஸ்ட் லுக் போஸ்டர் (மே 1) அஜித் பிறந்தநாளில் வெளியாகும் என ரசிகர்கள் ஆவலுடன் எதிர்பார்த்த நிலையில் கொரோனா காரணமாக எந்த கொண்டாட்டமும் வேண்டாம் என பர்ஸ்ட் லுக் ரிலீஸை படக்குழு தள்ளிவைத்தது.
மேலும் நேற்று மே 1 தல அஜித்துக்கு அவரது ரசிகர்கள் மற்றும் திரையுலக பிரபலங்கள் பலரும் சமூக வலைத்தளங்களில் பிறந்தநாள் வாழ்த்துக்கள் தெரிவித்திருந்தனர். இந்நிலையில் நடிகர் அஜித் தனது 50வது பிறந்தநாளை தனது காதல் மனைவி ஷாலினியுடன் இணைந்து கொண்டாடியுள்ளார். தற்போது நடிகர் அஜித்தின் பிறந்தநாள் கொண்டாட்டத்தின் போது எடுக்கப்பட்ட அழகிய புகைப்படம் ஒன்று வெளியாகி இணையத்தில் வைரலாகி வருகிறது.