பிக்பாஸ் பிரபலம் சாண்டி மாஸ்டர் தனது மனைவிக்கு வளைகாப்பு நடத்திய புகைப்படம் வெளியாகியுள்ளது.
நடன இயக்குனர் சாண்டி பிக்பாஸ் நிகழ்ச்சியின் மூன்றாவது சீஸனில் போட்டியாளராக கலந்து கொண்டு பிரபலமடைந்தவர். இவர் இந்த நிகழ்ச்சியில் இறுதிப் போட்டி வரை சென்று இரண்டாவது இடத்தை பிடித்தார். இதை தொடர்ந்து இவர் பல முன்னணி நடிகர்களின் படங்களில் நடன இயக்குனராக பணிபுரிந்து வருகிறார். இதுதவிர சமீபத்தில் வெளியான குட்டி பட்டாஸ், அஸ்கு மாரோ ஆகிய ஆல்பம் பாடல்களுக்கு சாண்டி மாஸ்டர் நடனம் அமைத்திருந்தார். தற்போது இவர் ‘3:33’ என்ற படத்தில் ஹீரோவாக நடித்துள்ளார் .
மேலும் சாண்டி மாஸ்டர் கடந்த 2017-ஆம் ஆண்டு சில்வியா என்பவரை திருமணம் செய்து கொண்டார். இவர்களுக்கு லாலா என்ற ஒரு பெண் குழந்தை உள்ளார். சமீபத்தில் சாண்டி தனது மனைவி சில்வியா இரண்டாவது முறையாக கர்ப்பமாக இருப்பதாக தெரிவித்திருந்தார். இந்நிலையில் சில்வியாவுக்கு எளிமையாக வளைகாப்பு நடைபெற்றுள்ளது. சாண்டி மாஸ்டர் தனது நெருங்கிய உறவினர்கள், நண்பர்களை மட்டும் அழைத்து தனது மனைவிக்கு வளைகாப்பு நடத்தியுள்ளார். தற்போது இந்த அழகிய புகைப்படம் இணையத்தில் வைரலாகி வருகிறது.