தனுஷின் திருச்சிற்றம்பலம் திரைப்படத்தில் நித்யாமேனனின் கதாபாத்திரம் ரசிகர்களிடையே நல்ல வரவேற்பை பெற்றுள்ளது.
தமிழ் சினிமா உலகில் முன்னணி நடிகர்களில் ஒருவராக வலம் வருபவர் நடிகர் தனுஷ். என்னதான் முன்னணி நடிகராக பழமொழிகளில் நடித்து பிரபலமான நடிகராகவும் இருந்தாலும் அவரின் சமீபத்திய படங்கள் தொடர்ந்து தோல்வியை சந்தித்து வருகின்றது. இதன் காரணமாக தனுஷின் ரசிகர்கள் வருத்தத்தில் இருக்க தனது அடுத்த படத்தின் மூலமாக மிகப் பெரிய வெற்றியை பதிவு செய்யும் இணைப்பில் நடிகர் தனுஷ் உள்ளார். அந்த வகையில் செல்வராகவனின் நானே வருவேன் மற்றும் தெலுங்கில் உருவாகும் வாத்தி, மித்திரனின் திருச்சிற்றம்பலம் போன்ற படங்களை மிகவும் நம்பி இருக்கின்றார் தனுஷ்.
இந்த நிலையில் யாரடி நீ மோகினி எனும் வெற்றி படத்தை இயக்கிய மித்ரன் பல வருடங்கள் கழித்து மீண்டும் தனுஷ் உடன் திருச்சிற்றம்பலம் படத்தில் இணைந்துள்ளார். இந்த படத்தின் மூலமாக ஏழு வருடங்கள் கழித்து அனிருத் மற்றும் தனுஷ் இணைந்து இருக்கின்றார்கள். இந்த நிலையில் சன் பிக்சர்ஸ் தயாரித்த இந்த படம் சென்ற ஜூலை 18 திரையரங்கில் வெளியாகியிருக்கின்றது. தனுஷின் படம் பல மாதங்கள் கழித்து திரையில் வெளியானதால் ரசிகர்கள் இந்த படத்தின் முதல் காட்சியை காண ஆவலாக இருந்தனர். அதன்படி இந்த படத்தின் முதல் காட்சி ஆரம்ப நிலையில் திரையரங்குகளை தனுஷ் ரசிகர்கள் திருவிழாவாக மாற்றினார்கள்.
இந்நிலையில் இப்படம் வெளியான நாள் முதலே அனைத்து விதமான ரசிகர்களின் அமோக வரவேற்பை பெற்று வருகின்றது. இத்திரைப்படம் தனுஷை வெற்றி பாதைக்கு திருப்பி உள்ளது. இத்திரைப்படத்தில் பலரின் பாராட்டையும் பெற்ற கதாப்பாத்திரம் நித்யாமேனனின் கதாபாத்திரம் தான். தன் சிறப்பான நடிப்பை வெளிப்படுத்தி ரசிகர்களின் மனதில் ஷோபனா கதாபாத்திரத்தை பதிய வைத்திருக்கின்றார் நித்யாமேனன்.
இத்திரைப்படத்தில் தாய்க்கிழவி என்ற பாடலை தனுஷ் நித்யாமேனனுக்காக பாடுகிறார். இதனால் ரசிகர்கள் தற்போது நித்யா மேனனை தாய்க்கிழவி என செல்லமாக கூப்பிட்டு வருகின்றார்கள். இதை பார்த்த நித்யா மேனன் பேட்டி ஒன்றில் இனி யாரும் அப்படி கூப்பிடாதீர்கள் என செல்லமாக சிரித்தபடியே வேண்டுகோள் விடுத்துள்ளார்.