தனுஷ் தற்போது ஒரே நேரத்தில் பல படங்களில் நடித்துக் கொண்டிருக்கிறார். தமிழ் மற்றும் தெலுங்கில் உருவாகும் வாத்தி, மித்ரன் ஜவஹர் இயக்கத்தில் திருசிற்றம்பலம், செல்வராகவன் இயக்கத்தில் நானே வருவேன் போன்ற படங்களில் நடித்து வருகிறார். இந்த நிலையில் அவரது சமீபத்திய படங்கள் அனைத்தும் தோல்வியை சந்திக்க தற்போது கட்டாய வெற்றியை எதிர்நோக்கி கொண்டிருக்கிறார் தனுஷ்.
தனுஷ் தற்போது நடித்து வரும் படங்களின் மீது அதிக நம்பிக்கை வைத்து உழைத்துக் கொண்டிருக்கிறார். மேலும் வாத்தி படத்தின் மூலமாக நேரடி தெலுங்கு படத்தில் அறிமுகமாகும் தனுஷ் தெலுங்கு மார்க்கெட்டில் ஒரு நிலையான இடத்தை பிடித்த திட்டமிட்டிருக்கிறார். இப்படத்தின் படப்பிடிப்பு இறுதி கட்டத்தை எட்டியிருக்கும் நிலையில் விரைவில் இப்படத்தை அதிகாரப்பூர்வ அறிவிப்பு வெளியாகும் என தெரிவிக்கின்றது. அதேசமயம் தனுஷ் மற்றும் அனிருத் பல வருடங்களுக்கு பிறகு இணையும் திருச்சிற்றம்பலம் படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று கொண்டிருக்கிறது. இந்த நிலையில் தனுஷ் இப் படங்களை தொடர்ந்து இயக்குனர் அருண் மாதேஸ்வரன் இயக்கத்தில் நடிக்க இருக்கிறார். சத்யஜோதி பிலிம்ஸ் தயாரிக்கவுள்ள உள்ள இந்தப் படம் மிகப் பெரிய ஆக்ஷன் படமாக உருவாக இருக்கிறது.
இதனை தொடர்ந்து தற்போது வந்த தகவலின்படி இந்த படம் பான் இந்திய படமாக உருவாக இருக்கிறதாம். மேலும் தற்போது பல நடிகர்களும் இந்திய திரைப்படங்களில் நடித்து வர தனுஷ் மற்றும் அருண் மாதீஸ்வரன் இணையும் படமும் பான் இந்தியப் படமாக உருவாக இருப்பதாக தகவல்கள் வெளியாகியிருக்கிறது. இதனைப் பற்றி அறிவிப்பு விரைவில் வெளியாகும் என்பது குறிப்பிடத்தக்கதாகும்.