திருச்சிற்றம்பலம் இசை வெளியீட்டு விழாவிற்கு வந்த தனுஷின் மகன்களின் போட்டோக்கள் இணையத்தில் வைரலாகி வருகின்றது.
பிரபல நடிகர் தனுஷ் இயக்குனர் ஜவஹர் மித்ரன் இயக்கத்தில், அனிருத் இசையமைப்பில் திருசிற்றம்பலம் என்ற திரைப்படத்தில் நடித்துள்ளார். இந்த படத்தில் நித்யா மேனன், பிரியா பவானி சங்கர் மற்றும் ராஷி கன்னா உள்ளிட்டோர் முக்கிய கதாபாத்திரத்தில் நடித்துள்ளனர். இந்நிலையில் 5 வருடங்களுக்கு பிறகு அனிருத், தனுஷ் படத்திற்கு இசையமைத்துள்ளதால் படத்தின் மீதான எதிர்பார்ப்பு அதிகரித்துள்ளது. இந்த படத்தின் இசை வெளியீட்டு விழா சென்னையில் பிரமாண்டமாக நடைபெற்றது.
இந்த விழாவில் கலந்து கொண்ட நடிகர் தனுஷ், இசையமைப்பாளர் அனிருத் வேஷ்டி சட்டையில் வந்திருந்தார்கள். அவர்களைப் போலவே தனுஷின் மகன்களான யாத்ரா மற்றும் லிங்காவும் வேஷ்டி சட்டையில் வந்திருந்தார்கள். வந்தவர்களின் பார்வை முழுவதும் யாத்ரா மற்றும் லிங்கா மீது தான் இருந்தது.