தனுஷ் சிபாரிசு செய்த இயக்குனரை ரஜினி நிராகரித்துள்ளதால் இந்த பிரச்சனை ஏற்பட்டிருக்குமோ என்று பலரும் தெரிவிக்கின்றனர்.
தமிழ் சினிமா உலகில் முன்னணி நடிகராக வலம் வரும் சூப்பர் ஸ்டார் ரஜினிகாந்த். அவரின் அடுத்த படம் குறித்து அதிகாரப்பூர்வமான தகவல் வெளிவந்துள்ளது. ரஜினிகாந்த் பல இயக்குனர்களிடம் கதை கேட்டு வந்த நிலையில் இயக்குனர் நெல்சன் கதை இவருக்கு மிகவும் பிடித்திருந்தது. தற்போது நெல்சன் இயக்கத்தில் நடிக்க இருக்கிறார். நேற்று இப்படத்தின் புரோமோ வெளியாகி இருக்கிறது. அனிருத் இப்படத்திற்கு இசையமைக்கிறார்.
பால்கி இயக்கத்தில் தான் ரஜினி அடுத்த படம் நடிக்க போவதாக அனைவரின் மத்தியிலும் பேசப்பட்டு வந்தது. பாலிவுட்டில் தனுஷ் நடித்த ஷமிதாப் படத்தை பால்கிதான் இயக்கியிருந்தார். ஆதலால் தனுஷ் வாயிலாக ரஜினிக்கு கதைசொல்லும் வாய்ப்பு கிட்டியது. இவர் கூறிய கதை ரஜினிக்கு மிகவும் பிடித்திருந்ததாம். ஆனால் சில காரணங்களால் ரஜினி இவர் இயக்கத்தில் நடிக்க வில்லை. தனுஷின் ரெகமெண்ட் மூலம் வந்த பால்கிக்கு தற்போது இயக்க வாய்ப்பு இல்லாததால் தான் இவர்களுக்கு இடையே மன வருத்தம் ஏற்பட்டிருக்கும் என இணையத்தில் கூறப்படுகிறது. இவர்களுக்கு இடையே பிரச்சனை வர இது ஒரு காரணமாக இருக்கலாம் என ஒரு சிலர் கூறி வருகின்றனர்.