தமிழகத்தில் கடந்த சில நாட்களாகவே பல மாவட்டங்களில் ஆங்காங்கே மழை பெய்து வருகிறது. கோடை வெயில் தொடங்கியுள்ளதால் பெரும்பாலான இடங்களில் வெயில் வெளுத்து வாங்குகிறது. வெயிலின் தாக்கத்தை குறைத்து மக்களுக்கு சற்று குளிர்ச்சியூட்டும் வகையில் பல இடங்களில் கடந்த இரண்டு நாட்களாக மழை பெய்து வருகிறது. அதன்படி நேற்று இரவே தமிழகம் முழுவதும் பெரும்பாலான மாவட்டங்களில் கன மழை கொட்டி தீர்த்தது. அதுமட்டுமன்றி சென்னையில் பல்வேறு இடங்களில் இன்று அதிகாலை கனமழை பெய்தது.
இந்நிலையில் தமிழகத்தில் அடுத்த 2 மணி நேரத்திற்கு 14 மாவட்டங்களில் இடியுடன் கூடிய மழை பெய்யும் என்று சென்னை வானிலை ஆய்வு மையம் தெரிவித்துள்ளது. அதன்படி நெல்லை, தென்காசி, விருதுநகர், தேனி, திண்டுக்கல், சிவகங்கை, மதுரை, கோவை, திருப்பூர், திருப்பத்தூர், தர்மபுரி, தஞ்சாவூர், பெரம்பலூர் மற்றும் கள்ளக்குறிச்சி ஆகிய மாவட்டங்களில் கன மழை பெய்யும் என்று தெரிவித்துள்ளது.