தமிழகத்தில் கொரோனா இரண்டாவது அலை தீவிரமாக பரவி வந்த சூழலில் பாதிப்பை கட்டுப்படுத்துவதற்காக தொடர்ச்சியாக ஊரடங்கு அமல்படுத்தப்பட்டது. இதனால் படிப்படியாக பாதிப்பு குறைந்து வருகிறது. இதனையடுத்து பல்வேறு தளர்வுகள் அறிவிக்கப்பட்டு வருகிறது. இந்த சூழலில் ஊரடங்கில் மேலும் தளர்வுகள் அறிவிப்பது குறித்தும், ஊரடங்கு நீட்டிப்பு குறித்தும் முதல்வர் தலைமையில் ஆலோசனை நடத்தப்பட்டது.
இந்த நிலையில் தமிழ்நாட்டில் வரும் நவம்பர் 15ஆம் தேதி வரை தளர்வுகளுடன் கூடிய ஊரடங்கு நீட்டிக்கப்பட்டுள்ளது. இதில் பல்வேறு தளர்வுகள் அளிக்கப்பட்டுள்ளது. அதன்படி, உணவகங்கள் மற்றும் பேக்கரிகள் உள்ளிட்ட அனைத்து வகையான கடைகளும் இரவு 11 மணி வரை செயல்பட வழங்கப்பட்டிருந்த கட்டுப்பாடு இன்று முதல் நீக்கப்பட்டு 24 மணி நேரமும் செயல்பட அனுமதியளிக்கப்பட்டுள்ளது.