தமிழகம் முழுவதும் மட்டுமல்லாமல் அண்டை மாநிலங்களுக்கும் அரசு விரைவு போக்குவரத்து கழகம் சார்பாக பேருந்துகள் இயக்கப்பட்டு வருகிறது. தினமும் ஆயிரம் பேருந்துகள் பல்வேறு மாநிலங்களுக்கும் சென்று வருகின்றனர். நீண்ட தொலைவுக்கு மக்கள் செல்வதற்கு அரசு விரைவு பேருந்துகளில் முன்பதிவு செய்து பயணம் செய்து வருகின்றன. 400க்கும் மேற்பட்ட குளிர்சாதன வசதி கொண்ட பேருந்துகள் இயக்கப்பட்டு வருகிறது. இந்நிலையில் கடந்த காலங்களில் அரசு பேருந்துகள் சரியான பராமரிப்பு இல்லாமல் இயக்கப்பட்டன. இதன் காரணமாக மக்கள் பயணம் செய்ய முன்வருவது இல்லை.
எனவே பயணிகளை கவரும் விதமாக பேருந்துகளை தூய்மையாக வைத்திருக்க வேண்டும் என்று போக்குவரத்து கழக மேலாண்மை இயக்குனர் அதிகாரிகளுக்கு அறிவுறுத்தியுள்ளார். இதனைத்தொடர்ந்து, தமிழகத்தில் உள்ள அரசு விரைவு பேருந்துகளில் பயணம் செய்யும்போது அங்கு ஏதாவது குப்பையோ அல்லது தூய்மையின்மை தொடர்பான பிரச்சினை இருந்தால் அதை பயணிகள் புகார் தெரிவிக்கும் விதமாக அனைத்து விரைவு பேருந்துகளின் உட்பகுதியிலும் வாட்ஸ்அப் எண் குறிப்பிடப்பட்டுள்ளது.