தமிழகத்தில் கடந்த ஏப்ரல் 6-ஆம் தேதி நடந்து முடிந்த சட்டப்பேரவைத் தேர்தலில் பதிவான வாக்குகளை எண்ணும் பணி காலை 8 மணிக்கு தொடங்கியது. தமிழகம் முழுவதும் சுமார் 75 மையங்களில் 3 அடுக்கு போலீஸ் பாதுகாப்பு போடப்பட்டுள்ளது. முன்னனி நிலவரங்கள் பிற்பகலுக்குள், வெற்றி நிலவரங்கள் மாலைக்குள் தெரியவரும். ஒவ்வொரு தொகுதிக்கும் நான்கு முதல் ஐந்து சுற்று வரை வாக்கு எண்ணிக்கை நடைபெற உள்ளது.
அதில் முதல் கட்டமாக தபால் வாக்கு எண்ணிக்கை தொடங்கியது. அதன்பிறகு வாக்கு இயந்திரத்தில் பதிவான வாக்குகள் எண்ணப்பட்டு வருகின்றன. பெரும்பாலான தொகுதிகளில் இறுதிகட்ட வாக்கு எண்ணிக்கையும், சில தொகுதிகளில் வாக்கு எண்ணிக்கையும் முடிவடைந்து வெற்றி வேட்பாளர்கள் அறிவிக்கப்பட்டு வருகின்றனர்.
இந்நிலையில் பெரும்பாலான தொகுதிகளில் திமுக முன்னிலை வகித்து வருகிறது. அதனால் ஏறக்குறைய திமுக தான் ஆட்சி அமைக்கப் போகிறது என்பது உறுதியாகியுள்ளது. எனவே அனைத்து தரப்பினரும் ஸ்டாலினுக்கு வாழ்த்து தெரிவித்து வருகிறார்கள். இதனையடுத்து வாழ்த்து தெரிவித்த தொழிலதிபர்கள், திரையுலக நட்சத்திரங்களுக்கு நன்றி. தமிழகத்தில் அமையப்போகும் ஆட்சியை அனைவரும் சேர்ந்து நடத்தப்போகும் ஆட்சியாகும். கலகம் வென்றது. இனி தமிழகம் வெல்லும் என்று திமுக தலைவர் ஸ்டாலின் அறிக்கை வெளியிட்டுள்ளார்.