ஆண்டாள் கோவில் தேரோட்டத்தை முன்னிட்டு விருதுநகர் மாவட்டத்திற்கு ஆகஸ்ட் 1ஆம் தேதி உள்ளூர் விடுமுறை அறிவிக்கப்பட்டுள்ளது.
ஸ்ரீவில்லிபுத்தூர் ஆண்டாள் கோவிலில் ஆண்டுதோறும், ஆடி மாதம் ஆடிப்பூரத் திருவிழா மிகவும் விமர்ச்சையாக நடைபெறும். இந்நிலையில் கடந்த 2 ஆண்டுகளாக தொற்று காரணமாக திருவிழா நடைபெறவில்லை. இந்த ஆண்டுக்கான திருவிழா கடந்த ஞாயிற்றுக்கிழமை கொடியேற்றத்துடன் தொடங்கியது. 28ஆம் தேதி கருட சேவை, 30ஆம் தேதி ஆண்டாள் சயன சேவை நிகழ்வுகள் நடைபெற உள்ளது.
அதை தொடர்ந்து ஆடிப்பூரத் தேர்த்திருவிழா வருகிற 1-ம் தேதி நடைபெறுகின்றது .இரண்டு ஆண்டுகளுக்கு பிறகு தேரோட்டம் நடைபெற உள்ளதால் அதை சிறப்பாக நடத்துவதற்கு ஆண்டாள் கோவில் நிர்வாகம் முடிவு செய்துள்ளது. இந்நிலையில் ஸ்ரீவில்லிபுத்தூர் ஆண்டாள் கோவில் தேரோட்டத்தை ஒட்டி ஆகஸ்ட் 1ஆம் தேதி விருதுநகர் மாவட்டத்திற்கு உள்ளூர் விடுமுறை அறிவிக்கப்பட்டுள்ளது. இந்த தினத்தில் பள்ளி, கல்லூரிகள் செயல்படாது எனவும் அரசு அலுவலகங்கள் செயல்படாது எனவும் அறிவிக்கப்பட்டுள்ளது. மேலும் இந்த விடுமுறை ஈடு செய்யும் விதமாக ஆகஸ்ட் 13ஆம் தேதி பணி நாளாக செயல்படுத்தப்படும் என கலெக்டர் தெரிவித்துள்ளார்.