தமிழகத்தில் இன்று முதல் திரையரங்குகள் 50 சதவீத இருக்கைகளுடன் திறக்கப்படும் என்று அறிவிக்கப்பட்டுள்ளது. இந்நிலையில் திரையரங்கு உரிமையாளர்கள் சங்கத் தலைவர் திருப்பூர் சுப்பிரமணியம் செய்தியாளர்களை சந்தித்துப் பேசுகையில், தமிழகத்தில் மொத்தம் 1100 திரையரங்குகள் இருக்கின்றன. நாங்கள் உட்பட திரையரங்கு பணியாளர்கள் அனைவரும் தடுப்பூசி எடுத்துக்கொண்டுள்ளோம்.
மேலும் தியேட்டர்களில் ஏற்கனவே இருந்த கட்டணம் மட்டுமே வசூலிக்கப்படும். டிக்கெட் கட்டணத்தை உயர்த்தும் எண்ணம் இப்போதைக்கு இல்லை. திரையரங்குகளில் முதற்கட்டமாக அரண்மனை – 3, சிவக்குமார் சபதம், லாபம், பெல் பாட்டம், கான்ஜூரிங்-3 ஆகிய திரைப்படங்கள் வெளியீடுக்கு தயாராக உள்ளன என்று கூறியுள்ளார்.