தமிழகத்தில் இன்று 120 பேர் கொரோனாவால் உயிரிழந்துள்ளதால் மக்களுக்கு அச்சம் ஏற்பட்டுள்ளது.
இந்த நிலையில் இன்றைய கொரோனா பாதிப்பு குறித்த தகவலை தமிழக சுகாதாரத்துறை வெளியிட்டுள்ளது. அதில், தமிழகத்தில் இன்று மேலும் 120 பேர் உயிரிழந்துள்ளனர். இதனால் உயிரிழந்தவர்கள் எண்ணிக்கை 5,766 ஆக அதிகரித்துள்ளது. தமிழகத்தில் இன்று புதிதாக 5,890 பேருக்கு கொரோனா உறுதி செய்யப்பட்டதால் மொத்த பாதிப்பு 3,43,945 ஆக உயர்ந்துள்ளது.
அதிகபட்சமாக சென்னையில் இன்று மட்டும் 1,185 பேருக்கு தொற்று உறுதி செய்யப்பட்டதால் மொத்த எண்ணிக்கை 1,17,839 ஆக எகிறியுள்ளது. தமிழகத்தில் இன்று புதிதாக 5,667 குணமடைந்து வீடு திரும்பியதால், 2,83,937 பேர் கொரோனாவில் இருந்து மீண்டுள்ளனர். தமிழகத்தில் தற்போது வரை 54,122 பேர் மருத்துவமனையில் சிகிச்சை பெற்று வருகின்றனர். தொடர்ந்து 15 ஆவது நாளாக உயிரிழப்பு 100ஐ கடந்திருப்பது குறிப்பிடத்தக்கது.