தமிழகத்தில் கொரோனா பரவலை கட்டுப்படுத்த முழு ஊரடங்கு அமல்படுத்தப்பட்டது. அதன்பிறகு கொரோனா பாதிப்பு கணிசமாக குறைந்து வந்த நிலையில் படிப்படியாக ஊரடங்கு தளர்வுகளை அரசு அறிவிக்க தொடங்கியது. அதன்படி தற்போது தளர்வுகளுடன் கூடிய ஊரடங்கு அமலில் உள்ளது. இந்நிலையில் தமிழகத்தில் ஊரடங்கு நீட்டிப்பு, கூடுதல் தொடர்புகள் வழங்குவது தொடர்பாக முதல்வர் ஸ்டாலின் இன்று ஆலோசனை நடத்துகிறார்.
சென்னை தலைமைச் செயலகத்தில் பகல் 12.30 மணிக்கு ஆலோசனைக் கூட்டம் நடைபெறுகிறது. ஆலோசனைக் கூட்டத்தில் துறை சார்ந்த முக்கிய அதிகாரிகள் அனைவரும் பங்கேற்கின்றனர். இந்த ஆலோசனைக் கூட்டம் முடிவடைந்த பிறகு இன்று அல்லது நாளை ஊரடங்கு நீட்டிப்பு மற்றும் பள்ளிகள் திறப்பு குறித்த முக்கிய அறிவிப்புகள் வெளியாகும் என்று எதிர்பார்க்கப்படுகிறது