தமிழகத்தில் காபி, டீ விலை உயரும் அபாயம் ஏற்பட்டுள்ளது. ஆவின் ஆரஞ்சு பால் பாக்கெட்டின் சில்லறை விற்பனை விலையை லிட்டருக்கு ரூ.12 அதிகரித்து ஆவின் நிர்வாகம் அறிவித்துள்ளது. ஆவினில் பசும் பால் லிட்டருக்கு 32 ரூபாய் என கொள்முதல் செய்யப்பட்டு வந்த நிலையில் தற்போது மூன்று ரூபாய் உயர்ந்து 35 ரூபாய்க்கு கொள்முதல் செய்யப்படும் என அறிவிக்கப்பட்டுள்ளது. எருமைப்பால் லிட்டருக்கு 41 ரூபாய் என கொள்முதல் செய்யப்பட்டு வந்த நிலையில், தற்போது மூன்று ரூபாய் உயர்ந்து 44 ரூபாய்க்கு கொள்முதல் செய்யப்பட உள்ளது.
இந்த நிலையில் காபி, டீ தலா 2-3 விலை உயரலாம் என்று எதிர்பார்க்கப்படுகிறது. தமிழகமெங்கும் ஒரு நாளைக்கு 4-5 முறை காபி, டீ குடிப்பவர்கள் ஏராளம். இந்நிலையில் இந்த உயர்வு சில இடங்களில் ஏற்கனவே அமல்படுத்தப்பட்டுள்ள நிலையில், விரைவில் தமிழகமெங்கும் அமலாகும் என்று கூறப்படுகிறது.