தமிழகத்தின் சிறந்த மாநகராட்சி ஆக முதல்வரின் விருதுக்கு சேலம் மாநகராட்சி தேர்வு செய்யப்பட்டுள்ளது.சிறந்த நகராட்சிகளில் ஸ்ரீவில்லிபுத்தூர் முதலிடமும், குடியாத்தம் இரண்டாவது இடமும், தென்காசி மூன்றாவது இடமும் பிடித்துள்ளது.சேலம் மாநகராட்சிக்கு 25 லட்சம் மற்றும் ஸ்ரீவில்லிபுத்தூர் மாநகராட்சிக்கு 15 லட்சம் பரிசு வழங்கப்படுகிறது.
வருகின்ற ஆகஸ்ட் 15ஆம் தேதி நடைபெற இருக்கும் சுதந்திர தின விழாவில் இந்த விருதுகள் வழங்கப்பட உள்ளதாக அறிவிக்கப்பட்டுள்ளது.வருவாய் வசூல், மனு நீக்கம், சுகாதாரம், மருத்துவ முகாம்கள் அமைத்தல், திடக்கழிவு மேலாண்மை, குடிநீர் விநியோகம் உள்ளிட்ட பல்வேறு துறைகளில் செயல்பாட்டின் அடிப்படையில் சிறந்த மாநகராட்சி தேர்வு செய்யப்பட்டது. மாநில அரசு அறிவித்த பல்வேறு திட்டங்களை முறையாக செயல்படுத்தியதே விருதுக்கு முக்கிய காரணம் ஆகும்.