நாடு முழுவதும் கொரோனா இரண்டாவது அலை மீண்டும் வேகம் எடுத்து வருகிறது. இதையடுத்து தமிழகத்திலும் கொரோனா தொற்று பாதிப்பு அதிகரித்து வருகிறது. இதனால் நாளுக்கு நாள் இறப்பு வீதமும் அதிகரித்துக் கொண்டே வருகின்றது. இது ஒருபுறம் இருக்க மறுபுறம் ஆக்சிஜன் தட்டுப்பாட்டின் காரணமாக பல கொரோனா நோயாளிகள் உயிரிழந்து வருகின்றனர். எனவே ஆக்சிஜனை விரைந்து வழங்க பல்வேறு தரப்பினரும் கோரிக்கை விடுத்து வருகின்றனர்.
இதையடுத்து கொரோனா அதிகரித்து வருவதால் முதல்வர் எடப்பாடி பழனிச்சாமி அவசர ஆலோசனை நடத்தி தமிழகத்தில் இரவு ஊரடங்கு மற்றும் ஞாயிறு முழு ஊரடங்கு அமல்படுத்தப்பட்டது. இதனால் இன்று முழு ஊரடங்கின் காரணமாக கடைகள் அனைத்தும் மூடப்பட்டுள்ளன. எனவே மதுபிரியர்கள் மதுபாட்டில்கள் வாங்குவதற்காக நேற்றே முண்டியடித்துக்கொண்டு டாஸ்மாக் கடைகளில் அலைமோதினர். இந்நிலையில் தமிழகத்தில் மட்டும் நேற்று ஒரே நாளில் ரூ.252.48 கோடிக்கு மது விற்பனை ஆகியுள்ளது. அதிகபட்சமாக சென்னை மணடலத்தில் மட்டும் ரூ.58.37 கோடிக்கு விற்பனையாகியுள்ளது.