தமிழகத்தில் உள்ள பள்ளிகள் கோடை விடுமுறைக்கு பின், மீண்டும் வருகிற 13-ஆம் தேதி திறக்கப்பட உள்ளன. இந்நிலையில் இதற்கான ஏற்பாடுகள் முழு வீச்சில் நடைபெற்று வருகின்றன. இதற்கிடையே, சென்னை, செங்கல்பட்டு உள்ளிட்ட ஒரு சில மாவட்டங்களில், தற்போது கொரோனா தொற்று பரவலானது, மீண்டும் வேகம் பரவிகிறது. எனவே இதன் காரணமாக, தமிழகத்தில் திட்டமிட்டபடி பள்ளிகள் மீண்டும் திறக்கப்படுமா என்ற கேள்வியும் எழுந்துள்ளது.
இதையடுத்து பள்ளிக்கல்வி துறை அமைச்சர் அன்பில் மகேஷ் பொய்யாமொழி கூறியுள்ளதாவது, தமிழகத்தில் பள்ளிகள் திறக்கும் தேதியில் எந்த மாற்றமும் இல்லை என திட்டவட்டமாக தெரிவித்துள்ளார். மேலும் இது தொடர்பாக செய்தியாளர்களிடம் அவர் பேசியதாவது, திட்டமிட்டபடி 1-ஆம் வகுப்பு முதல் 10 -ஆம் வகுப்பு வரை படிக்கும் மாணவ, மாணவிகளுக்கு வருகிற 13-ஆம் தேதியும், பிளஸ்-2 வகுப்புக்கு 20-ஆம் தேதியும், பிளஸ்-1 வகுப்புக்கு 27-ஆம் தேதியும் பள்ளிகள் திறக்கப்படும் என தெரிவித்துள்ளார்.
மேலும் இந்த தேதிகளில் ஊரடங்கு உள்ளிட்ட பல காரணங்களால் மாற்றம் ஏற்பட்டால், இது குறித்து முதலமைச்சரின் அலுவலக அதிகாரிகள் தெரிவிப்பார்கள். இதன் அடிப்படையில் அப்படி பள்ளிகள் திறப்பதில், மாற்றம் இருந்தால் தெரியப்படுத்துவோம் எனவும் அறிவிக்கப்பட்டுள்ளது. இந்நிலையில் பொதுத் தேர்வு எழுதாத மாணவர்கள் ஜூலை, செப்டம்பர் மாதங்களில் தேர்வு எழுத வேண்டும். மேலும் அடுத்த மாதம் நடக்க உள்ள ‘நீட்’ தேர்வுக்கு தடை வாங்க கூறுபவர்கள் தான், விலக்கு அளிக்க வேண்டியவர்கள் என்று அவர் கூறியுள்ளார்.