தமிழகத்தில் கொரோனா அச்சுறுத்தல் காரணமாக பள்ளி மற்றும் கல்லூரிகள் திறக்கப்படாமல் இருந்தது . அதன் பிறகு கொரோன பாதிப்பு குறைந்த நிலையில் செப்டம்பர் 1 ஆம் தேதி அனைத்து பள்ளிகள் மற்றும் கல்லூரிகள் திறக்கப்பட்டு நேரடி வகுப்பு நடந்துகொண்டிருக்கிறது. அதன்படி பள்ளிகளில் 9- 12ஆம் வகுப்பு வரையிலான மாணவர்களுக்கு மட்டும் திறக்கப்பட்டு 50% பேர் சுழற்சி முறையில் வருகை தருகின்றனர் . பள்ளி மற்றும் கல்லூரிகளை திறப்பதால் மீண்டும் கொரோனா பாதிப்பு அதிகரித்து விடுமோ என்று ஒரு சிலர் மறுப்பு தெரிவித்தனர்.
ஆனால் பள்ளிகள் திறக்கப்பட்டு 22 நாட்கள் ஆகியும் கொரோனா பாதிப்பு பெரிய அளவில் அதிகரிக்கப்படவில்லை. மேலும் கொரோனா அறிகுறிகள் உள்ள மாணவர்களை கண்டறியப்பட்டு தனிமைப்படுத்தப்பட்டு வருகின்றனர் . அதுமட்டுமில்லாமல் பள்ளிகளுக்கு விடுமுறை அளிக்கப்பட்டு வருகிறது. தமிழ்நாட்டில் சென்னை, கோவை, செங்கல்பட்டு மற்றும் ஈரோடு ஆகிய நான்கு மாவட்டங்களில் மட்டுமே கொரோனா பாதிப்பு 100ஐ கடந்துள்ள நிலையில் பிற மாவட்டங்களில் 100 க்குள் உள்ளது. கோவையில் 218 மற்றும் சென்னையில் 198 கொரோனவால் பாதிக்கப்பட்டுள்ளனர்.
கொரோனா பாதிப்பு அதிகமாக உள்ள கோவையில் கொரோனா கட்டுப்பாட்டு நடவடிக்கைகள் தீவிரப்படுத்தப்பட்டு வருகின்றன. இதையடுத்து கொரோனா பொது முடக்கத்தின் காரணமாக தனியார் பள்ளிகளில் பயிலும் மாணவர்கள் அரசு பள்ளிகளில் அதிக அளவில் சேர்ந்துள்ளனர் என்று அமைச்சர் அன்பில் மகேஷ்பொய்யாமொழி தெரிவித்துள்ளார்.
தமிழகத்தில் கொரோனா தடுப்பூசி செலுத்தும் பணிகள் தீவிரபடுத்தப்பட்டுள்ள [ நிலையில் ஞாயிறு கிழமைகளிலும் அதிக அளவில் தடுப்பூசி முகாம்கள் செயல்படுத்தப்பட்டு வருகின்றன. அதனால் விரைவில் 6 முதல் 8வகுப்பு மாணவர்களுக்கும் பள்ளிகள் திறப்பது குறித்து மு.க. ஸ்டாலின் விரைவில் அறிவிப்பை வெளியிடுவார் என்று கூறப்படுகிறது.