தமிழகத்தில் பி எட் கலந்தாய்வு… இன்று தொடங்கி வைத்தார் அமைச்சர் பொன்முடி…!!!!!

தமிழகத்தில் பி.எட் கலந்தாய்வை உயர்கல்வித்துறை அமைச்சர் பொன்முடி இன்று தொடங்கி வைத்துள்ளார். அதன் பின் பேசிய அவர் பி எட் படிப்புக்கான கலந்தாய்வு இன்று தொடங்கி இருக்கிறது தொடர்ந்து ஐந்து நாட்களுக்கு கலந்தாய்வு நடைபெற இருக்கிறது. இந்த வருடம் 2,040 பி எட் படிப்பு இடங்களுக்கு 5138 மாணவர்கள் விண்ணப்பித்திருக்கின்றார்கள். முதல் நாளான இன்று மாற்றுத்திறனாளி மாணவர்களுக்கான கலந்தாய்வு தொடங்கியுள்ளது.

இந்த நிலையில் தமிழகத்தில் ஏழு அரசு கல்லூரிகள் 14 உதவி பெறும் கல்லூரிகள் என மொத்தம் 21 கல்லூரிகளில் 2,040 பி எட் படிப்பிற்கான இடங்கள் இருப்பதாக அவர் தெரிவித்துள்ளார். மேலும் 2023 முதல் பி எட் படிப்பிற்கு ஆன்லைன் மூலமாக கலந்தாய்வு நடத்த நடவடிக்கை மேற்கொள்ளபட்டு வருகிறது. நவம்பர் ஒன்றாம் தேதியிலிருந்து அரசு கல்லூரி பேராசிரியர்களுக்கு பணியிட மாற்ற கலந்தாய்வு நடைபெறும் என அமைச்சர் தெரிவித்துள்ளார்.