தமிழகத்தில் நடந்து முடிந்த சட்டமன்ற தேர்தலில் பெரும்பான்மையான தொகுதிகளில் திமுக வெற்றி பெற்றது. இதனை அடுத்து திமுக சட்டமன்ற கட்சி தலைவராக ஸ்டாலின் தேர்ந்தெடுக்கப்பட்டார். அதன்படி ஆளுநர் மாளிகையில் மிக எளிமையான முறையில் பதவி ஏற்பு விழா தொடங்கியுள்ளது. அதில் ஸ்டாலின் முதல்வராக பதவியேற்றுக்கொண்டார். அதனைத் தொடர்ந்து 33 அமைச்சர்களும் பதவியை ஏற்றுக் கொண்டிருக்கின்றனர். தமிழக முதலமைச்சராக ஸ்டாலின் பதவியேற்றார். அவருக்கு ஆளுநர் பன்வாரிலால் புரோகித் பதவிப் பிரமாணம் செய்து வைத்தார். தமிழகத்தின் புதிய முதலமைச்சர் ஆனார் ஸ்டாலின்.
இதனைத் தொடர்ந்து இன்று மாலை கொரோனா தடுப்பு குறித்து மாவட்ட ஆட்சியர்களுடன் ஸ்டாலின் ஆலோசனை நடத்த உள்ளார். ஆட்சியர்கள் மற்றும் கண்காணிப்பு அதிகாரிகளுடன் இன்று மாலை 5 மணிக்கு காணொளி காட்சி மூலம் ஆலோசனை நடத்துகிறார். அதன் பிறகு தமிழகத்தில் புதிய கட்டுப்பாடுகள் வெளியாகலாம் என எதிர்பார்க்கப்படுகிறது.