பெங்களூரு சிறையில் சசிகலா எந்த நேரத்திலும் விடுதலை செய்யப்படலாம் என்று பரபரப்பு தகவல் வெளியாகியுள்ளதால் முதல்வர் கலக்கம் அடைந்துள்ளார்.
வங்க கடலில் உருவான புரெவி புயல் நேற்று முன்தினம் திரிகோணமலை அருகே கரையைக் கடந்தது. அதன் பிறகு தென் தமிழகத்தை நோக்கி நகர்ந்து வந்த புயல், கன்னியாகுமரி மற்றும் பாம்பனுக்கு இடையே கரையைக் கடக்கும் என எதிர்பார்க்கப்பட்டது. ஆனால் நேற்று மாலை 7 மணியளவில் திடீரென புயல் வலுவிழந்து காற்றழுத்த தாழ்வு மண்டலமாக மாறியது.தற்போது புயல் மேலும் வலுவிழந்து ஆழ்ந்த காற்றழுத்த தாழ்வு மண்டலமாக மாறி ராமநாதபுரம் கடற்கரை அருகே நிலை கொண்டுள்ளது என வானிலை ஆய்வு மையம் தெரிவித்துள்ளது.
இதனையடுத்து புயலைத் தொடர்ந்து தமிழக அரசியலில் புதிய புயல் உருவாகியுள்ளது. அதாவது, பெங்களூருவில் சிறை தண்டனையை அனுபவித்து வரும் சசிகலா எந்த நேரத்திலும் விடுதலை செய்யப்படலாம் என்று பரபரப்பு தகவல் வெளியாகியுள்ளது. ரஜினி ஜனவரியில் கட்சி தொடங்குகிறார். இது பாஜகவின் திட்டம் என்று பலரும் கருத்து தெரிவித்து வருகின்றனர். இந்நிலையில் ரஜினியுடன் டிடிவி கூட்டணி வைக்கும் வகையில் சசிகலா விடுதலை செய்யப்பட உள்ளதாக கூறப்படுகிறது. அதனால் தமிழகத்தில் ஈபிஎஸ் மற்றும் ஓபிஎஸ் தரப்பு கலக்கம் அடைந்துள்ளது.