தமிழகத்திலும் ஒமைக்ரான் எனும் புதிய வகை கொரோனா வைரஸ் பரவி வருவதால், தமிழகத்தில் உள்ள அனைத்து மாவட்டங்களிலும் முன்னெச்சரிக்கையுடன் இருக்க வேண்டும் என்று மாவட்ட ஆட்சியர்களுக்கு சுகாதாரத்துறை செயலாளர் ராதாகிருஷ்ணன் அறிவுறுத்தியுள்ளார். தமிழகத்தின் புதிய வகை ஒமைக்ரான் கொரோனா வைரஸ் இல்லை என்று குறிப்பிட்டுள்ள அவர், கொரோனா இல்லை என்று பொதுமக்கள் கவனக்குறைவாக இருக்கக்கூடாது என்றும் தெரிவித்துள்ளார்.
இதையடுத்து அனைத்து மாவட்டங்களிலும் கொரோனா தடுப்பூசி செலுத்துவதை மேலும் அதிகரிக்க வேண்டும் என்றும், முன்னெச்சரிக்கை நடவடிக்கைகளை தீவிரப்படுத்த வேண்டும் என்றும் மாவட்ட ஆட்சியர்களுக்கு அறிவுறுத்தியுள்ளார். கொரோனாவால் உயிரிழப்பு ஏற்படாமல் கொரோனா தடுப்பூசி கட்டுப்படுத்தும் என்று ஆய்வில் தெரியவந்துள்ளது. கொரோனா பரிசோதனைகளை அதிகப்படுத்தி கண்காணிப்பை தீவிரப்படுத்தவும், புதிய வகை ஒமைக்ரான் வைரஸ் மிக வேகமாக பரவக்கூடியது என்பதால் பாதிப்பு மிக மோசமாக இருக்கும் என்பதாலும் வெளிநாடுகளில் இருந்து வரும் பயணிகளை கண்காணிப்பது மிக அவசியம் என்று அவர் எச்சரித்துள்ளார்.