தமிழகம் முழுவதும் பொங்கல் பண்டிகையை முன்னிட்டு ரேஷன் கடைகளில் குடும்ப அட்டைதாரர்களுக்கு பொங்கல் பரிசு தொகுப்பு வழங்கப்படுவது வழக்கம். பொங்கல் பரிசு தொகுப்பாக கரும்பு, மளிகை பொருள்கள், ஏலக்காய், முந்திரி உள்ளிட்ட பொருட்கள் வழங்கபட்டு வருகிறது.
இந்த வருடமும் பொங்கல் பண்டிகையை முன்னிட்டு அரிசி குடும்ப அட்டைதாரர்களுக்கு பொங்கல் பரிசு தொகுப்பு வழங்கப்படும் என ஏற்கனவே அறிவிக்கப்பட்டுள்ளது. இந்த நிலையில் தமிழகத்தில் பொங்கல் பரிசு இந்த மாதத்திற்குள் கொள்முதல் செய்யப்பட்டு விரைவில் பொதுமக்களுக்கு வினியோகம் செய்யப்படும் என்று தமிழக அரசு அறிவித்துள்ளது .20 பொருட்கள் அடங்கிய பொங்கல் தொகுப்பு வழங்க ரூ.1,088 கோடியும், முழுக் கரும்பு வழங்க ரூ.70 கோடியும் தமிழக அரசு ஒதுக்கீடு செய்துள்ளது. பொங்கல் பரிசு தொகுப்பு மக்களுக்கு சரியாக சென்று சேர்கிறதா என்பதை கண்காணிக்க குழு ஒன்றையும் அமைத்துள்ளது.