தமிழகம் முழுவதும் 6 முதல் 12 ஆம் வகுப்பு வரை படிக்கும் மாணவர்களுக்கான அரையாண்டு தேர்வு குறித்த அட்டவணையை பள்ளிக்கல்வித்துறை வெளியிட்டுள்ளது. அதன்படி ஆறாம் வகுப்பு முதல் பண்ணிரெண்டாம் வகுப்பு வரை படிக்கும் மாணவர்களுக்கான அரையாண்டு தேர்வு டிசம்பர் 15ஆம் தேதி தொடங்கி 23ஆம் தேதி வரை நடைபெறுகிறது. 6, 8, 10 மற்றும் 12ஆம் வகுப்பு மாணவர்களுக்கு காலையிலும், 7,9,11 ஆம் வகுப்பு மாணவர்களுக்கு மாலையிலும் தேர்வு நடைபெறும் என நேற்று அறிவிக்கப்பட்டது.
இதில் பள்ளி மாணவர்களுக்கு அரையாண்டு விடுமுறை குறித்து எதுவும் குறிப்பிடப்படவில்லை. இந்நிலையில் டிசம்பர் 24-ம் தேதி முதல் மாணவர்களுக்கு விடுமுறை வழங்கப்பட்டு ஜனவரி 2-ம் தேதி மீண்டும் பள்ளிகள் திறக்கப்படலாம் என்று தகவல்கள் வெளியாகியுள்ளது. ஆனால் இது தொடர்பான அதிகாரபூர்வ அறிவிப்பு எதுவும் வெளியாகவில்லை என்பது குறிப்பிடத்தாகும்.