தமிழகம் முழுவதும் கொரோனா பரவலை கட்டுபடுத்த கடந்த மே 10ஆம் தேதி முழு ஊரடங்கு அமல்படுத்தப்பட்டது. அதன் பலனாக கொரோனா பாதிப்பு நாளுக்கு நாள் குறைந்து கொண்டே வந்தது. இதையடுத்து படிப்படியாக ஊரடங்கு தளர்வு களை தமிழக அரசு அறிவித்து வந்தது. ஆனால் கடந்த ஒரு வாரமாக தமிழகத்தில் மீண்டும் கொரோனா பாதிப்பு அதிகரிக்க தொடங்கியுள்ளது. அதனால் பாதிப்பு அதிகம் உள்ள மாவட்டங்களில் ஊரடங்கு கட்டுப்பாடுகள் தீவிரப்படுத்தப்பட்டு வருகிறது.
இந்நிலையில் தமிழ்நாட்டின் 7 மாவட்டங்கள் கொரோனா அதிகரித்துள்ளதாக சுகாதாரத்துறை இணை செயலாளர் அதிர்ச்சி தகவலை தெரிவித்துள்ளார். அதன்படி சென்னை, கோவை, ஈரோடு செங்கல்பட்டு, திருவள்ளூர், புதுக்கோட்டை, அரியலூர் மாவட்டங்களில் கொரோனா அதிகரித்துள்ளதால் பாதுகாப்பு நடவடிக்கை எடுக்க அறிவுறுத்தியுள்ளார். இதனால் ஏழு மாவட்டங்களில் விரைவில் கடும் கட்டுப்பாடு விதிக்கப்படும் என்று எதிர்பார்க்கப்படுகிறது.