தமிழகத்தில் பொங்கல் பண்டிகையை முன்னிட்டு அனைத்து ரேஷன் அட்டைதாரர்களுக்கும் 21 பொருள்கள் அடங்கிய பொங்கல் பரிசு தொகுப்பு வழங்கப்பட உள்ளது. இந்த பொங்கல் பரிசு வழங்கும் திட்டத்தை முதல்வர் ஸ்டாலின் நாளை தொடங்கி வைக்க இருக்கிறார். அதேசமயம் ரேஷன் கடைகளுக்கு மக்கள் கூட்டமாக வருவதை தடுக்க எந்த நேரத்தில் எந்த தேதியில் வரவேண்டும் என்ற விவரம் அடங்கிய டோக்கன்கள் வீடு வீடாக சென்று விநியோகம் செய்யப்பட்டு வருகின்றன. ரேஷன் கடைகளில் வினியோகிக்கப்படும் பொங்கல் தொகுப்பின் தரம் குறித்து ஆய்வு செய்ய அதிகாரிகளை நியமித்து தமிழக அரசு உத்தரவிட்டுள்ளது. தகுதியுள்ள அனைத்து ரேஷன் அட்டைதாரர்களுக்கு ம் பொங்கல் பரிசு தொகுப்பு சென்றடைவதை உறுதி செய்ய வேண்டும் என்று அரசு தெரிவித்துள்ளது.
இந்நிலையில் தமிழகத்தில் உள்ள ரேஷன் கடைகளில் நாளை முதல் பொங்கல் சிறப்பு தொகுப்பு வழங்கப்பட உள்ளது. இதையடுத்து பொங்கல் பரிசு விநியோகம் முடியும் வரை இரண்டு வாரங்களுக்கு அவசியமின்றி ரேஷன் கடை ஊழியர்கள் விடுமுறை எடுக்கக்கூடாது என்று கூட்டுறவுத்துறை அறிவுறுத்தியுள்ளது. மேலும் டோக்கன் அடிப்படையில் தினமும் 200 ரேஷன் கார்டு வீதம் பொருட்களை வழங்கவும் கடை ஊழியர்களுக்கு தெரிவித்துள்ளது.