தமிழகத்தில் கடந்த ஆண்டு கொரோனா பரவல் காரணமாக பள்ளிகள் திறக்கப்படாமல் இருந்த. அதன் பிறகு கொரோனா பரவல் கணிசமாக குறைந்து வந்த நிலையில் கடந்த செப்டம்பர் 1 ஆம் தேதி முதல் பள்ளிகள் திறக்கப்பட்டு வகுப்புகள் நடைபெற்று வருகிறது. இந்நிலையில் கொரோனா பரவல் மீண்டும் பரவி வருகிறது. அதுமட்டுமில்லாமல் உருமாறிய ஒமைக்ரான் வைரசும் மிக வேகமாக பரவி வருகிறது. அதனால் அரசு பல்வேறு கட்டுப்பாடுகளை விதித்துள்ளது. அதன்படி 1 முதல் 9 ஆம் வகுப்பு மாணவர்களுக்கு விடுமுறை வழங்கப்பட்டுள்ளது.
ஆனால் பொதுத்தேர்வு எழுதும் 10,11,12 வகுப்பு மாணவர்களுக்கு மட்டும் தொடர்ந்து நேரடி வகுப்புகள் நடைபெற்று வருகிறது. கடந்த ஆண்டு முழு ஊரடங்கின் காரணமாக தேர்வுகள் ரத்து செய்யப்பட்டு அனைவரும் தேர்ச்சி செய்யப்பட்டனர். ஆனால் இந்த ஆண்டு கட்டாயமாக நேரடி தேர்வு நடைபெறும் என்று தெரிவிக்கப்பட்டுள்ளது. இந்நிலையில் தமிழகத்தில் டிசம்பர் 31-ஆம் தேதி வரை ஊரடங்கு நீட்டிக்கப்பட்டுள்ளது. இதனால் 1 முதல் 9 ஆம் வகுப்பு மாணவர்களுக்கு ஜனவரி 31-ஆம் தேதி வரை விடுமுறை வழங்கப்பட்டுள்ளது. ஆனால் 10,12 ஆம் வகுப்பு மாணவர்களுக்கு முதல் திருப்புதல் தேர்வு வருகின்ற 19ஆம் தேதி திட்டமிட்டபடி தொடங்கும் என்று பள்ளிக் கல்வித்துறை தெரிவித்துள்ளது.