அறநிலையத்துறை கட்டுப்பாட்டிலுள்ள 163 கோயில்களில் இடிதாங்கிகள் பொறுத்தும் பணி நடைபெற்று வருகிறது என்று அமைச்சர் சேகர்பாபு தெரிவித்தார். இது குறித்து அவர் அளித்த பேட்டியில் “திருத்தணி, திருச்செங்கோடு, திருச்சி மலைக்கோட்டை, திருநீர்மலை, திருக்கழுக்குன்றம் போன்ற 5 மலைக்கோயில்களில் கம்பி வட ஊர்தி வசதி அமைப்பதற்கு தொழில்நுட்ப வல்லுனர் குழுவினரால் சாத்தியக்கூறுகள் ஆராயப்பட்டுள்ளது.
அத்துடன் சோளிங்கர், அய்யர் மலை போன்ற மலைக்கோயில்களில் புதிய ரோப் கார் வெள்ளோட்டம் விரைவில் நடைபெற இருக்கிறது. மேலும் மதுரை மீனாட்சி சுந்தரேசுவரர்கோயில் சித்திரை பெருவிழா சிறந்த முறையில் நடைபெறுவதற்கான அனைத்து ஏற்பாடுகளும் செய்யப்பட்டுள்ளது. இதையடுத்து கோயில் கோபுரங்களில் பொருத்தப்பட்டுள்ள இடிதாங்கிகள் ஆய்வு மேற்கொள்ளப்பட்டு புதுப்பிக்கப்படும். புதிதாக 9 கோயில்களில் இடிதாங்கிகள் பொருத்தப்பட்டு இருக்கிறது. அதுமட்டுமல்லாமல் 163-க்கும் மேற்பட்ட கோயில்களில் இப்பணிகள் நடந்து வருகிறது என்று அவர் தெரிவித்தார்